OM OSS

Storband med historie. Musikk med energi.

Bjørgvin Storband er eit 24-manns storband frå Bergen med lange tradisjonar og eit brennande engasjement for storbandmusikk. Bandet har tidlegare vore kjent som Telestar danseorkester, men i dag er vi først og fremst eit konsertstorband med stor spennvidde og speleglede.

Vi trivst aller best på scena – frå intime jazzklubbar til større konsertscener og festivalar. Dei siste åra har vi mellom anna spelt ei rekkje konsertar på Verftet og på jazzklubbar rundt omkring.

Men vi kan også få folk opp av stolane! 🎶 Vi har eit solid dansemusikkrepertoar og tek gjerne på oss heile kveldar med storbandmusikk til fest og dans.

Kvart år har vi som mål å utvikle og gjennomføre minst to eigne konsertar eller musikalske prosjekt. I tillegg spelar vi gjerne på firmafestar, seminar, festivalar, bryllaup og andre arrangement.

Repertoaret vårt spenner breitt – frå klassisk storband og jazz gjennom ulike epokar, til populærmusikk og kjende låtar frå fleire sjangrar. Med våre dyktige vokalistar kan vi skreddarsy eit musikalsk program som passar både anledninga og publikum.

MUSIKALSK LEIAR – PAUL FAWCUS

Paul Fawcus er engelskmannen som har gjort Frekhaug til heimebasen sin – men musikken hans har teke han verda rundt.

Som saksofonist og multiinstrumentalist har Paul spelt med nokre av dei største namna innan jazz, og han er ein ettertrakta musikar og samarbeidspartnar. Spelet hans er kjenneteikna av ein varm, melodisk tone, solid musikalitet og ein naturleg teft for improvisasjon – enten det er ein tidlaus jazzstandard eller moderne fusion.

Som musikalsk leiar kombinerer han brei erfaring med stor speleglede og eit godt øyre for samspelet i bandet.

Og kanskje viktigast av alt: Bak det imponerande musikalske nivået finn du ein særs hyggeleg, audmjuk og jordnær kar som har stor respekt for både musikken og menneska han spelar saman med.

VOKALISTANE

Bjørgvin Storband har to vokalistar med svært ulik bakgrunn og uttrykk – noko som gir oss eit ekstra stort musikalsk register.

Edvard Høgestøl har ei kraftfull stemme og ein stil som passar like godt til storbandklassikarar som til låtar inspirerte av artistar som Frank Sinatra, Tom Jones og Michael Bublé.

Gillian Gjelsvik har lang fartstid som bluesmusikar og vokalist, og tilfører bandet ein sterk og personleg vokalstil med særleg sans for jazz- og bluesstandardar.

Saman kan dei levere både solo, duett og eit variert vokalprogram – frå swing og jazz til blues, pop og festmusikk.

BJØRGVIN STORBAND

24 musikarar – éin stor lyd – mange musikalske uttrykk.

Enten du vil lytte, danse eller berre ha ein skikkeleg god kveld:
Vi er klare for å spele!